Close Menu
    فيسبوك الانستغرام لينكدإن
    • العربية
    • English (الإنجليزية)
    • Français (الفرنسية)
    فيسبوك الانستغرام لينكدإن
    Middle East Transparent
    • الصفحة الرئيسية
    • أبواب
      1. شفّاف اليوم
      2. الرئيسية
      3. منبر الشفّاف
      4. المجلّة
      Featured
      أبواب د. عبدالله المدني

      ميانمار، الجرح الآسيوي الغائر، ما مصيرها في عهد ترامب؟

      Recent
      2 مارس 2025

      ميانمار، الجرح الآسيوي الغائر، ما مصيرها في عهد ترامب؟

    • اتصل بنا
    • أرشيف
    • الاشتراك
    • العربية
    • English (الإنجليزية)
    • Français (الفرنسية)
    Middle East Transparent
    أنت الآن تتصفح:الرئيسية»إبنتى ترشح نفسها للرئاسة فى أمريكا!!

    إبنتى ترشح نفسها للرئاسة فى أمريكا!!

    2
    بواسطة سامي بحيري on 30 سبتمبر 2007 غير مصنف

    جاءت لى إبنتى وهى تقول :

    – أنا قررت أرشح نفسى للرئاسة !!
    – رئاسة إيه يابنت إنتى يامفعوصة ، ده إنتى عندك يادوب 15 سنة ولسة فى المدرسة الثانوى ؟
    – أنا رشحت نفسى لرئاسة مرحلتى الدراسية فى المدرسة.
    – يعنى إيه مرحلتك الدراسية ، وبعدين تعالى هنا إنت خلاص أخذت القرار ده لوحدك ؟
    – أيوه أنا قررت ده لوحدى ورشحت نفسى لرئاسة ثانية ثانوى كلها .

    وقلت بإستسلام:
    – طيب ليه تاخدى قرار زى كده من غير ما تاخدى رأئى ؟
    – قانون إنتخاب المدرسة لا يشترط أخذ موافقة ولى الأمر ، علشان كده شفت إنه ما فيش لزوم إنى آخد رأيك!!

    وقد عرفت نبأ ترشيحها للرئاسة أثناء أجازة سريعة على أحد الشواطئ الجميلة ، وقد إضطرنا لقطع أجازتنا وذلك حتى تتمكن إبنتى من الإستعداد للحملة الإنتخابية!! لأنها واخدة الحكاية جد (زى كل حاجة هنا).

    وطبعا تكفلت أنا بكل تكاليف الحملة الإنتخابية ، وبدأت بشراء المواد اللازمة لعمل لافتات الدعاية (من لوحات ورق مقوى وألوان وحروف جاهزة وإلخ..).
    …

    والحقيقة أن التجربة كانت مثيرة بالنسبة لى ، وفى أثناء تحضير مواد الحملة الإنتخابية دار بينى وبينها الحوار التالى:
    – أد إيه فرصتك للنجاح فى إنك تبقى الرئيسة ؟
    – فرصتى أقل من منافسى الرئيسى (مايك) ، وأكثر شوية من المرشح الثالث (دافيد) .
    – طيب ليه تعب القلب ؟
    – ضرورى أحاول إنى أكسب ، لأنى حأكون أحسن منهم الإثنين لمنصب الرئاسة .
    – طيب وإيه المناصب الأخرى الموجودة للترشيح ؟
    – فيه نائب الرئيس ، أمين الصندوق ، السكرتير العام ، وبعدين كمان فيه مجلس إدارة السنة بيتكون من خمس أعضاء .
    – وكل المناصب دى بتختاروها بالإنتخاب ؟
    -أيوه.
    – ليه يابنتى إنتو ثانية ثانوى دى فيها كام تلميذ ؟
    – حوالى تسعمائة .
    – ما شاء الله ، يعنى إنتى ممكن تبقى الست الريسة على تسعمائة تلميذ وتلميذة؟
    – دعواتك.
    …

    وإعجبت كثيرا بخطتها الإنتخابية فقد شكلت لجنة مكونة من أربعة لمساعدتها فى الدعاية ، وكتابة رسائل إلكترونية لكل تلميذ لإنتخاب (أميرة) لمنصب الرئيس ، ووضعت برنامجها الإنتخابى على صفحتها فى الإنترنت ، ووضعت صورتها فى صدر الصفحة وهى تقف خلف منبر الرئيس الأمريكى فى البيت الأبيض!!

    وسألتها :
    – وإيه ياترى برنامجك الإنتخابى ؟
    – برنامجى هو ببساطة التغيير !!
    – تغيير إيه؟
    – أولا: لابد من تحسين نوعية الملابس الرياضية
    ثانيا: لا بد من زيادة الرحلات المدرسية الميدانية
    ثالثا: نطالب بتكييف الهواء داخل أتوبيس المدرسة
    رابعا: زيادة مشاركة الطلبة فى رسم سياسة المدرسة
    خامسا: تحسين وجبة الغذاء ، وجعلها أكثر تغذية من الناحية الصحية .
    (فقلت لنفسى : تيجى فكيهة تتفرج)!!
    …
    ثم سألتها: كيف سوف تكسبين عقول وقلوب الناخبين؟
    – بكرة أنا أخطب فيهم وأقول لهم برنامجى الإنتخابى ، وكل مرشح مسموح له بربع ساعة لشرح برنامجه للتلاميذ .
    وأخذت تقرأ أمامى خطابها الإنتخابى ، وأخذت تعيد وتزيد لكى تتقنه ، ثم إتصلت بالتليفون بإبنتى الكبرى والتى تعيش بعيدا عنا فى المدينة الجامعية ، وإبنتى الصغرى تعتبر شقيقتها الكبرى مستشارتها لشئون الأمن القومى !!

    وبعد أن إستمعت لنصيحة أختها الكبيرة قامت بإدخال بعض التعديلات على الخطاب، وبالطبع لم تستمع لنصائحى!!.
    ….
    ثم قامت بعرض اللافتات التى إنتهت من كتابتها بمساعدة أعضاء حملتها الإنتخابية ، وكانت لافتات من نوع:
    “إذا أدرت التغيير الحقيقى عليك بإنتخاب أميرة البحيرى”

    Walk Like an Egyptian
    And Vote for ِِِAmira El-Behiri

    ومعناها :
    “إمشى مثل المصرى
    وصوت لصالح أميرة البحيرى”
    هى إغنية أمريكية مشهورة جدا، والكل يعرف أن إبنتى مصرية) Walk Like an Egyptian(
    …
    فإقترحت عليها بعض اللافتات المصرية العريقة مثل:
    إن جيت للحق *** أميرة أحق
    بكرة من ده بدولارين *** عند السوبر ماركت بدولارين (ونضع صورة مايك منافسها الرئيسى والذى سوف يتم التضحية به فى عيد الأضحى!!)
    يامحنى ديل العصفورة *** أميرة هى المنصورة

    وقد سخرت إبنتى من لافتاتنا المصرية ، وقالت لى :أنا ماأحبش الدعاية السلبية فى مهاجمة المرشح المنافس ، ولو هو كسب يبقى ده إختيار الناخبين .
    …
    وقلت لها :
    – فيه ياحبيبتى وسائل تانية لجذب أصوات الناخبين متعودين عليها فى مصر.
    – وسائل زى إيه ؟
    – يعنى ضرورى تفتحى مخك مع التلاميذ .
    – يعنى إيه أفتح مخى ؟
    Broad Minded تبقى
    – طيب ما أنا مخى متفتح !!
    – لأ مش قصدى !
    – إمال قصدك إيه ؟
    (وترددت كثيرا قبل أن أقول لها)
    – يعنى ضرورى نجيب حاجات للتلامذة عشان يحبوكى .
    – حاجات زى إيه؟
    – يعنى نجيب لهم شيكولاته ، ألعاب فيديو ، تذاكر سينما ، …
    – مش فاهمة ؟يعنى عاوزنى أدى رشوة للناخبين بتوعى ؟ هى دى التربية إللى إتعلمتوها؟!!
    – لأ ياعبيطة دى مش رشوة ، دى زى ما تقوللى إكرامية ، مجاملة ، ضرورى يعرفو الكرم العربى.
    – ده مش كرم عربى ، ده كده بالعربى تبقى رشوة عربى ، ومالهاش أسم تانى !!
    (وأحسست أنى فى نص هدومى)
    ….

    وبعد سلسة النصائح المصرية الإنتخابية والتى رفضتها جميعا رفضت إبنتى أن أشغل منصب مدير حملتها الإنتخابية وتعللت بأنى “دقة قديمة” ثم أن القانون الإنتخابى فى المدرسة لا يسمح بتدخل الآباء فى العملية الإنتخابية .

    ………….
    أثناء كتابة مقالى هذا فوجئت برسالة إلكترونية من إبنتى تخبرنى بأنها قد نجحت فى الإنتخابات وكسبت الواد (مايك) والذى حضر إلى فصلها وهنأها شخصيا بمصافحتها وإعترف بهزيمته.
    …..

    إهدى هذه القصة لكل من يتصورون أنه يمكن فرض الديموقراطية بالعافية .

    samybehiri@aol.com

    المصدر إيلاف

    شاركها. فيسبوك تويتر لينكدإن البريد الإلكتروني واتساب Copy Link
    السابقضبابٌ سوريٌ في يومٍ مشمس!
    التالي «الأنْتي – أميركية»: دجاجة تبيض ذهباً
    2 تعليقات
    Newest
    Oldest Most Voted
    Inline Feedbacks
    View all comments
    كريم سامى
    كريم سامى
    17 سنوات

    إبنتى ترشح نفسها للرئاسة فى أمريكا!!
    دمك خفيف خالص .. تصور

    0
    Tired Egyptian
    Tired Egyptian
    17 سنوات

    إبنتى ترشح نفسها للرئاسة فى أمريكا!!
    You are fantastic. I really needed to laugh. What a difference in mentality. It seems that we , as an older generation, are a big bust. Keep writing, please.

    0
    RSS أحدث المقالات باللغة الإنجليزية
    • A New Palestinian Offer for Peace With Israel 6 يوليو 2025 The Wall Street Journal
    • Why al-Sharaa’s success in Syria is good for Israel and the US 3 يوليو 2025 Itai Melchior and Nir Boms
    • The Poisoned Chalice: President Trump’s Opportunity with Iran 27 يونيو 2025 General Kenneth F. McKenzie, Jr.
    • Post-Attack Assessment of the First 12 Days of Israeli and U.S. Strikes on Iranian Nuclear Facilities 26 يونيو 2025 ISIS
    • US ambiguity shouldn’t stop work on a two-state solution 25 يونيو 2025 David Schenker
    RSS أحدث المقالات بالفرنسية
    • Nouvelle approche des Forces Libanaises: Alliances ou Endiguement ? 5 يوليو 2025 Kamal Richa
    • Ce que nous attendons de vous, Monsieur le Président 3 يوليو 2025 Michel Hajji Georgiou
    • Il faut être pour Nétanyahou lorsqu’il affaiblit la menace iranienne ; et ardemment contre lui lorsqu’il détruit Gaza 1 يوليو 2025 Denis Charbit
    • En Syrie, la mystérieuse disparition du corps de Hafez el-Assad 11 يونيو 2025 Apolline Convain
    • En Syrie, après les massacres d’alaouites, la difficulté de recueillir des témoignages : « Je n’ai pas confiance » 5 يونيو 2025 Madjid Zerrouky
    23 ديسمبر 2011

    عائلة المهندس طارق الربعة: أين دولة القانون والموسسات؟

    8 مارس 2008

    رسالة مفتوحة لقداسة البابا شنوده الثالث

    19 يوليو 2023

    إشكاليات التقويم الهجري، وهل يجدي هذا التقويم أيُ نفع؟

    14 يناير 2011

    ماذا يحدث في ليبيا اليوم الجمعة؟

    3 فبراير 2011

    بيان الأقباط وحتمية التغيير ودعوة للتوقيع

    آخر التعليقات
    • عابر على نهج “القوات اللبنانية” الجديد في الشارع المسيحي: تحالفات أم احتواء؟
    • عماد غانم على مستقبل الإسلام
    • خليل على التعميم الأساسي رقم 169 للمصارف ماذا يعني؟: خدمة للمودعين أم للمصارف؟
    • عماد غانم على مستقبل الإسلام
    • عماد غانم على مستقبل الإسلام
    تبرع
    Donate
    © 2025 Middle East Transparent

    اكتب كلمة البحث ثم اضغط على زر Enter

    loader

    Inscrivez-vous à la newsletter

    En vous inscrivant, vous acceptez nos conditions et notre politique de confidentialité.

    loader

    Subscribe to updates

    By signing up, you agree to our terms privacy policy agreement.

    loader

    اشترك في التحديثات

    بالتسجيل، فإنك توافق على شروطنا واتفاقية سياسة الخصوصية الخاصة بنا.

    wpDiscuz