كلام حق، نديم الجميّل: “فك تحالف 6 شباط اليوم ما بيمحي المعاصي وما بيغفر الخطايا”

أدلى النائب نديم الجميّل مساء اليوم الخميس بالتصريح التالي:

‏”حزب الله اغتال رفيق الحريري وبيار الجميّل وجبران تويني وسائر شهداء ثورة الارز… و كان العوني شريكه وعم يجاهر.

حزب الله جر لبنان على حرب بال٢٠٠٦  وكان العوني عم بهلّله.

حزب الله عِمِل ٧ ايار… وكان العوني مستقوي فيه.

حزب الله خطف قرار الدولة ودمّر علاقاتنا الخارجية والاقتصاد والمؤسسات… وكان العوني شريكُه ووصل على ضَهره.

حزب الله غيّر هوية لبنان وفرض ثقافة الموت والدمار اللي ما بتشبه اللبنانيين وكان العوني حليفه.

٦ شباط ٢٠٠٦، يوم الاتفاق مع الشيطان، بـ ٦ شباط التيار باع روحه وكرامته والبلد كرمال كرسي ومصالح شخصية …

فكّ التحالف اليوم ما بيمحي المعاصي وما بيغفر الخطايا، و ما بعوّض الدمار والخراب، وما برجّع الشهداء اللي سقطوا