قصيدة: احمد فؤاد نجم
عن احداث الاسكندرية
ينصر دينك يا بطل
…قتلت ناس عُزًّل كتير
ستات، شيوخ وكمان عيال
ازحت عنا خطر كبير
*
دي ناس بتقول الله محبه
والمحبه دي شئ خطير
إقتل بطرس وإقتل مينا
اللي إخواتهم ماتوا في سينا
واللي ولادهم رقصوا فـي فرحك
واللي فـ ميّتم بيعزّينا
*
إقتل ماري وطنط تريزا
دول ناس مافيهومشي ولا ميزه
دايمًا كده يبتسموا في وشك
ويقولوا اهلاً خطوه عزيزه
*
وإقتل برضه عمّك حنا
في اي خناقه بيحوش عنّا
غاوي يصّلح بين الناس
ولا يمكن يوّرد على جنّه
*
وإقتل سامي ناجي نجيب
اصل الإسم صراحه مريب
يمكن يطلع واحد منهم
او داقق على إيده صليب
*
ولا اقولّك…إضرب شبرا
والكيت كات وميدان الاوبرا
فجّر واحده في كل مكان
خلّي جيرانهم يصبحوا عبرا
*
لينا رب إسمه الكريم
ها يجي يوم تعرض عليه
تقف امامه و يسأل الشخص ده عملك إيه؟
بأي ذنب تقتله
وفين ومين وإزاي وليه؟
إبقى قول لي يا بطل
ها ترد يومها..
وتقول إيه؟.
إقتل بطرس وإقتل مينا
مجد عيد
من تعليق الدكتور عبد الرزاق عيد على قصيدة نجم على صفحته على الفيسبوك : Abdulrazak Eid
أصيل وصادق يا أحمد فؤاد نجم مع تاريخك الثقافي
الوطني- الكوني التسامحي اليساري والعلماني الشجاع… أحييك أيها الشيخ الذي لا يشيخ أبدا…إلا في شيخوخة أرائك ومواقفك حول وطنية نظام المافيا الأسدي الذي لا يساعدك تضليله على فهم جرائمه نحو شعبه التي لا تقل وحشية وبربرية عن الجريمة الشنعاء على كنيسةالقديسن في الاسكندرية
إقتل بطرس وإقتل مينا
كلام سخيف…. هل هذه قصيدة؟؟؟؟